త్రిపురలో ఉగ్రవాదాన్ని అంతం చేశాం : కేంద్ర హోంమంత్రి అమిత్ షా

Tripura : బీజేపీ నేతృత్వంలోని త్రిపుర ప్రభుత్వం ఉగ్రవాదాన్ని తుడిచిపెట్టేసిందని, ఈశాన్య రాష్ట్రాన్ని సర్వతోముఖాభివృద్ధికి తీసుకొచ్చిందని కేంద్ర హోంమంత్రి అమిత్ షా గురువారం అన్నారు.

రాబోయే అసెంబ్లీ ఎన్నికలకు ముందు రాష్ట్ర ప్రభుత్వ విజయాలను హైలైట్ చేసే లక్ష్యంతో రెండు బిజెపి రథయాత్రలను ప్రారంభించటానికి హోం మంత్రి త్రిపురకి విచ్చేశారు. 

ఇక్కడ జరిగిన బహిరంగ ర్యాలీని ఉద్దేశించి అమిత్ షా మాట్లాడుతూ.. ప్రధాని నరేంద్ర మోదీ పట్ల ప్రజలు చూపుతున్న అపారమైన ప్రేమ, విశ్వాసం త్రిపురలో బిజెపి మళ్లీ ప్రభుత్వాన్ని ఏర్పాటు చేస్తుందని స్పష్టంగా తెలియజేస్తుందని అన్నారు.

NLFT (నేషనల్ లిబరేషన్ ఫ్రంట్ ఆఫ్ త్రిపుర)తో శాంతి చర్చల ద్వారా ఉగ్రవాదాన్ని అంతం చేసామని అన్నారు.

"ఒకప్పుడు మాదకద్రవ్యాల అక్రమ రవాణా, హింస మరియు భారీ దేశ వ్యతిరేక కార్యకలాపాలకు ప్రసిద్ధి చెందిన త్రిపుర ఇప్పుడు అభివృద్ధి, అద్భుతమైన మౌలిక సదుపాయాలు, క్రీడలలో విజయాలు, పెరుగుతున్న పెట్టుబడులు, సేంద్రీయ వ్యవసాయ కార్యకలాపాలకు ప్రసిద్ధి చెందింది" అని షా అన్నారు.